Sorkar hmalakna-a Lunglei Civil Hospital in MRI khawl an neih dawn avangin ZPM Thalai an lawm
Vawiin July 14, 2026 (Thawhlehni) khan ZPM Thalai General Headquarters chuan thuchhuah siamin, tun hnaiah ZPM sorkarna hnuaiah Health & Family Welfare Department in hmasawnna a hmu thar zela, Health Minister Lalrinpuii thawhrimna a zarah nikum maiah Aizawl Civil Hospital-ah MRI khawl bun fel a ni tawha, kar hmasa thawhṭanni (6th July 2026) ah Health&Family Welfare Department, Mizoram leh Ministry of Health & Family Welfare chuan Lunglei Civil Hospital-a 1.5T MRI khawl bun a nih theih nana Memorandum of Understanding (MoU) an ziak leh hi a lawm awm hle a ni, an ti.
ZPM Thalai chuan, Lungleia MRI khawl bun tur hian chhim lam mipui te tan Medical lamah hmasawnna a thlen kan beisei a, MRI test ti tura hmun hla tak tak an pan ṭhin chu a phuhruk tawh dawnin kan hria a, kan lawmpui tak zet a ni. MRI khawl min pek rual hian Digital Mammography Tomosynthesis khawl pakhat (1) leh Handheld X Ray khawl sawm pariat (18) min pe tel tur pawh hi lawmawm kan ti hle a ni.
